.jpg)
લુણાવાડા, તા.૧૬
લુણાવાડામાં અંદાજે ૧૦૦ થી ૧૫૦ ગેરકાયદેસર દબાણોનો કલેકટરે સફાયો બોલાવતા પ્રજામાં આનંદની લાગણી છવાઇ હતી. આજરોજ સાંજના સમયે મહીસાગર જિલ્લાના કલેકટર પ્રફુલ્લ હર્ષે, સરકારી કર્મચારીઓની ટીમ તથા પોલીસ અધિકારીઓના કાફલા સાથે મળી લુણાવાડાના દરકોલી દરવાજાથી મામલતદાર કચેરી સુધી જવાના રસ્તા ઉપર અંદાજે ૧૦૦ થી ૧૫૦ ગેરકાયદે દબાણોને દૂર કર્યા હતા.
અંદાજે ૧૦૦ થી ૧૫૦ દબાણો દૂર કરવામાં આવ્યા
આ દબાણોના કારણે વાહનોની અવર જવરમાં ભારે તકલીફ પડતી હતી અને લુણાવાડાના સૌથી મોટા આ રસ્તા ઉપર પ્રજાને ચાલવામાં પણ તકલીફ પડે તેવી સ્થિતિનું નિર્માણ થઇ ગયું હતું. જયારે લુણાવાડાની પ્રજાની કેટલાય સમયની માંગણીને મહીસાગર જિલ્લાના કલેકટર પ્રફુલ્લ હર્ષે દ્વારા ધ્યાનમાં લઇને આજરોજ મોટા પાયે દબાણોનો સફાયો કરવામાં આવતાં લુણાવાડાની પ્રજામાં આનંદની લાગણી પ્રસરી છે.
0 comments:
Post a Comment