કડાણા જળાશયના ૧૩ ગેટ ૩ ફૂટ સુધી ખોલી ૬૧ હજાર ક્યુસેક પાણી છોડાયું Sep 24, 2013

                                                                                                                                      મહીસાગર, તા.૨૩

પંચમહાલ-મહીસાગર જિલ્લામાં સતત ત્રીજા દિવસે મેઘરાજાનું અવિરત આગમન જારી રહેતાં કડાણા જળાશયમાંથી ૧૩ ગેટ ત્રણ ફૂટ સુધી ખોલી ૮૦ હજાર ક્યુસેક પાણી મહીસાગર નદીમાં છોડવામાં આવ્યું હતું. મેઘરાજાના આગમન વચ્ચે સૂર્યનારાયણના દર્શન દુર્લભ બન્યા હતાં. જોકે મેઘરાજાના આગમનથી ધરતીપૂત્રોમાં ખુશીનો માહોલ જોવાઇ રહ્યો છે.

સૂર્યનારાયણના દર્શન દુર્લભ બન્યા : ધરતીપૂત્રોમાં પાછોતરા વરસાદથી ખુશીનો માહોલ જોવાયો

ભર ભાદરવે સતત ત્રીજા દિવસે પણ અષાઢી માહોલ જોવાયો હતો. વરસાદના અવિરત આગમનને લઇ રાબેતા મુજબ ધબકતુ જનજીવન ખોરંભાયું હતું. મેઘરાજાએ તબક્કાવાર આગમન કરતાં ગોધરા શહેરના નીચાણવાળા ભાગોમાં પાણી ભરાયા હતાં. જ્યારે નદીઓ, કોતરો પણ વહેતી થઇ હતી. સતત વરસાદી આગમનથી ડાંગરના પાકો તેમજ આગામી ઉનાળુ સિઝન માટે ફાયદાકારક હોવાથી ખેડૂતોમાં ખુશી વ્યાપી છે પરંતુ ખેતરમાં ઊભા કેટલાક મોલમાં નુકસાન થવાની ભીતિ વ્યાપી છે. સોમવારે પણ મેઘરાજા આગમન જારી રાખતાં કડાણા જળાશયમાંથી નવ ગેટ ત્રણ ફૂટ સુધી ખોલી ૬૧ હજાર ક્યુસેક પાણી છોડવામાં આવ્યું હતું. ડેમમાં પાણીની આવક ૮૦ હજાર ક્યુસેક નોંધાઇ હતી. જેથી ડેમ સૂત્રોએ રૂલ લેવલ સપાટી જાળવી રાખી પાણી છોડયું હતું. ડેમની ભયજનક સપાટી ૧૨૭.૭૧ મીટર સપાટી છે. જ્યારે હાલની સપાટી ૧૨૭.૪૩ મીટરે પહોંચી છે. જોકે સોમવારે કડાણા પંથકમાં મેઘરાજાની એન્ટ્રી તબક્કાવાર જારી રહી હતી પરંતુ સર્જીત વાતાવરણથી મેઘરાજાના વધુ આગમનની છડી જોવાઇ હતી. બંને જિલ્લાઓમાં સતત વરસાદી આગમન વચ્ચે ચોમાસાનો માહોલ જોવાયો હતો.

પંચમહાલ-મહીસાગર જિલ્લામાં વરસાદી પ્રમાણ આ મુજબ છે કાલોલ૨૫ મી.મી, કડાણા ૨૦ મી.મી, લુણાવાડા    ૩૦ મી.મી., ઘોઘંબા ૨૦ મી.મી., હાલોલ ૫ મી.મી., સંતરામપુર ૮ મી.મી. વરસાદ વરસ્યો છે. અત્રે ઉલ્લેખનિય છે કે વરસાદના આંકડા સાંજે ચાર વાગ્યા સુધીના છે. પાનમ ડેમમાંથી બે ગેટ ચાર ફૂટ સુધી ખોલી ૧૯ હજાર ક્યુસેક પાણી નદીમાં છોડાયું છે. ડેમમાં પાણીની આવક ૧૩ હજાર ક્યુસેક છે.

Read More

લુણાવાડા નગરમાં ૧૦૦થી વધુ દબાણોનો સફાયો બોલાવતા કલેક્ટર Sep 17, 2013

     

                                                                                                                                       લુણાવાડા, તા.૧૬

     લુણાવાડામાં અંદાજે ૧૦૦ થી ૧૫૦ ગેરકાયદેસર દબાણોનો કલેકટરે સફાયો બોલાવતા પ્રજામાં આનંદની લાગણી છવાઇ હતી. આજરોજ સાંજના સમયે મહીસાગર જિલ્લાના કલેકટર પ્રફુલ્લ હર્ષે, સરકારી કર્મચારીઓની ટીમ તથા પોલીસ અધિકારીઓના કાફલા સાથે મળી લુણાવાડાના દરકોલી દરવાજાથી મામલતદાર કચેરી સુધી જવાના રસ્તા ઉપર અંદાજે ૧૦૦ થી ૧૫૦ ગેરકાયદે દબાણોને દૂર કર્યા હતા. 

અંદાજે ૧૦૦ થી ૧૫૦ દબાણો દૂર કરવામાં આવ્યા

આ દબાણોના કારણે વાહનોની અવર જવરમાં ભારે તકલીફ પડતી હતી અને લુણાવાડાના સૌથી મોટા આ રસ્તા ઉપર પ્રજાને ચાલવામાં પણ તકલીફ પડે તેવી સ્થિતિનું નિર્માણ થઇ ગયું હતું. જયારે લુણાવાડાની પ્રજાની કેટલાય સમયની માંગણીને મહીસાગર જિલ્લાના કલેકટર પ્રફુલ્લ હર્ષે દ્વારા ધ્યાનમાં લઇને આજરોજ મોટા પાયે દબાણોનો સફાયો કરવામાં આવતાં લુણાવાડાની પ્રજામાં આનંદની લાગણી પ્રસરી છે.

Read More

લુણાવાડા ખાતે ગરીબ કલ્યાણ મેળામાં ૩૮૭૨ લાભાર્થીઓને રૂ. ૬૭૪.૧૧ લાખની સહાય Sep 15, 2013

                                                                                                                                    લુણાવાડા  , તા. ૧૪

મહીસાગર જિલ્લાના મુખ્ય મથક લુણાવાડા ખાતે યોજાયેલ ગરીબ કલ્યાણ મેળાનું દીપ પ્રગટાવી ઉદ્ઘાટન કર્યા બાદ પંચમહાલ જિલ્લાના પ્રભારી અને શિક્ષણ મંત્રી ભૂપેન્દ્રસિંહ ચુડાસમાએ જણાવ્યુ હતુ કે, આ અગાઉના ગરીબ કલ્યાણ મેળામાં કુલ ૬૫૧૮૬ લાભાર્થીઓને રૂ. ૧૪૭ કરોડની સહાય ચુકવાય છે. લુણાવાડા ખાતે યોજાયેલ ગરીબ કલ્યાણ મેળામાં કુલ ૩૮૭૨ લાભાર્થીઓએ રૂ. ૬૭૪.૧૧ લાખની સહાય અપાઈ છે. પંચમહાલ જિલ્લા પ્રભારી મંત્રી ભૂપેન્દ્રસિંહ ચુડાસમાએ જણાવ્યુ હતું કે, મુખ્યમંત્રી નરેન્દ્ર મોદીની દીર્ઘ દ્રષ્ટિના કારણે રાજ્યના પછાત અને ખાસ કરીને આદિવાસી જિલ્લાઓને પ્રાધાન્ય આપીને ગરીબોને ઘરનું ઘર મળ્યું છે. મંત્રી ચુડાસમાના હસ્તે લુણાવાડા તાલુકાના ૧૫૪૭ લાભાર્થીઓને તથા શહેરા તાલુકાના ૧૩૬૪ મળી કુલ ૨૯૧૧ લાભાર્થીઓને સરદાર આવાસ યોજના તથા રાજ્ય સરકારની વિવિધ યોજનાના કુલ ૯૬૧ લાભાર્થી મળી કુલ ૩૮૭૨ લાભાર્થીઓને કુલ રૂ. ૬૭૪.૧૧ લાખની નાણાંકીય સહાય આપવામાં આવી હતી. આ પ્રસંગે જિલ્લા પંચાયતના પ્રમુખ રશ્મીકાબેન પટેલ, મહીસાગર જિલ્લા કલેકટર પ્રફુલ હર્ષે, જિલ્લા વિકાસ અધિકારી નરેન્દ્રકુમાર મીના, લુણાવાડા પ્રાંત અધિકારી એ. કે. બારીયા, નાયબ જિલ્લા વિકાસ અધિકારી ડી. એન. પટેલ પ્રાયોજના વહીવટદાર આર. આર. રાવલ સહિત જિલ્લા તાલુકાના અધિકારીઓ તથા પદાધિકારીઓ ઉપસ્થિત રહ્યા હતા. આ ગરીબ કલ્યાણ મેળામાં લુણાવાડા તથા શહેરા તાલુકાના લાભાર્થીઓ સહિત વિશાળ સંખ્યામાં ભાઈઓ તથા બહેનો ઉપસ્થિત રહ્યા હતા. નાયબ જિલ્લા વિકાસ અધિકારી ડી. એન. પટેલે આભાર વિધી કરી હતી.

Read More

પંચમહાલ- મહીસાગરમાં ૧૦૦૦ શ્રીજી પ્રતિમાઓની સ્થાપના Sep 10, 2013

દશ દશ દિવસના મોંઘેરા મહેમાન દુંદાળા દેવ ૧૦૦૦ પ્રતિમાઓની પંચમહાલ- મહીસાગર જિલ્લામાં વિવિધ સ્થળે વિધિવત્ સ્થાપના કરવામાં આવી છે. જિલ્લાના ગોધરામાં શ્રીજી પાંચ દિવસનું આતિથ્ય માણશે. વિવિધ મંડળો દ્વારા વિઘ્નહર્તાના પાવન પર્વ નિમિત્તે વિવિધ થીમ અને ડેકોરેશન સાથે શ્રીજી પ્રતિમાઓની સ્થાપના કરવામાં આવી છે. ગણેશોત્સવના મંગલમય પ્રારંભ સાથે ચારેકોર શ્રીજી વંદના ધૂન વચ્ચે વાતાવરણ ગણેશમય બની ગયુ છે. બીજી તરફ જૈન મહાપર્વના સવંત્સરી અને ગણેશોત્સવનો સુભગ સમન્વય થતાં જૈન બંધુઓએ સૌને મિચ્છામી દુક્કડમ્ કહેવા સાથે વિઘ્નહર્તા વિશ્વ કલ્યાણ કરે તેવી પ્રાર્થના પણ કરી હતી.

જૈનોના મહાપર્વ સવંત્સરી અને ગણેશોત્સવનો સુભગ સમન્વય : જૈન બંધુઓએ મિચ્છામી દુક્કડમ કર્યા

ગત વર્ષે આગલા વર્ષે જલ્દી આવવાના કોલ સાથે શ્રીજી પ્રતિમાઓને ભાવભરી વિદાય આપ્યા બાદ છેલ્લા પખવાડીયાથી શ્રીજી સવારીને આવકારવાના થનગનાટ બાદ ગણેશ ભકતોએ સોમવારે વિઘ્નહર્તા શ્રીજી પ્રતિમાઓની સ્થાપના સાથે પૂજન અર્ચન કર્યુ હતું. દશ દશ દિવસના મોંઘેરા મહેમાન બની પધારેલા શ્રીજી સાથે સાથે ગણેશ મંડળોએ વિવિધ થીમ થકી સમાજને સંદેશ પહોંચાડવાના પ્રયાસ સાથે આકર્ષક ડેકોરેશનથી પંડોલા સજાવ્યા છે. રવિવારની મોડી રાત્રી સુધી તમામ તૈયારીઓને આખરી ઓપ આપી દીધા બાદ સોમવારે શુભ મુર્હૂતમાં શાસ્ત્રોકત વિધી અનુસાર શ્રીજી પ્રતિમાઓનુ પૂજન અર્ચન સાથે સ્થાપના કરવામાં આવી હતી. પંચમહાલ- મહીસાગર જિલ્લામાં નાના- મોટા મળી ૧૦૦૦ શ્રીજી પ્રતિમાઓની વિવિધ સ્થળે સ્થાપના કરવામાં આવી છે. જેને લઈ ચોતરફ ગણેશમય માહોલ જોવા મળી રહ્યો છે. શહેરી વિસ્તારોમાં પ્રથમ દિવસથી જ મોડી રાત્રી સુધી વિવિધ સ્વરૂપે બિરાજેલા શ્રીજીના દર્શનાર્થે ભાવુકોની ભીડ જોવા મળી હતી.

Read More

પંચમહાલના નકશામાંથી સંતરામપુર અને કડાણા તાલુકાની બાદબાકી થઇ Sep 05, 2013

                                                                                                                                     સંતરામપુર, તા. ૫

પંચમહાલ જિલ્લા પંચાયતે વર્ષ ૨૦૧૩/૨૦૧૪ની નવી ડાયરી બહાર પાડી છે. આ ડાયરીમાં જિલ્લા પંચાયત ગોધરા દ્વારા પંચમહાલ જિલ્લાનો નક્શો છાપવામાં આવ્યો છે. જે નક્શો વાસ્તવમાં કોઇપણ જાતની ચકાસણી કર્યા વગરનો અને ખોટો નક્શો છપાયો છે.

જિ.પં.ના કર્તાહર્તાઓને આવી ગંભીર ભૂલ ધ્યાને ન ચડતા જિ. પં.નો કેવો વહીવટ છે તેનું સ્પષ્ટ ઉદાહરણ મળ્યું

જિલ્લા પંચાયત પંચમહાલ ગોધરા દ્વારા વર્ષ ૨૦૧૩-૨૦૧૪ની નવી છપાયેલી ડાયરીમાં પંચમહાલ જિલ્લાના નક્શામાં ક્યાંય સંતરામપુર અને કડાણા તાલુકો જણાતો નથી. તો શું પંચમહાલ જિલ્લામાંથી સંતરામપુરને કડાણા તાલુકાના બાદબાકી કરવાનું અધિકારીઓનું પ્રયોજન હોઇ શકે? સંતરામપુર કડાણા તાલુકાને પ્રથમ દાહોદ જિલ્લામાં પછી પંચમહાલ જિલ્લામાં ને તા. ૧૫- ૮- ૧૩ થી વળી પાછા મહીસાગર જિલ્લામાં મોકલી બાઇ બાઇ ચારણી જેવી સ્થિતિ આ પછાત તાલુકાની કરી છે. અને તેમાય વળી પંચમહાલમાં હોવા છતાં સંતરામપુર અને કડાણાં તાલુકાને ડાયરીમાં છપાયેલા નક્શામાંથી બાકાત દર્શાવવામાં આવ્યું છે.  જિલ્લા પંચાયતના સત્તાધીશો આવી ગંભીર ભુલ કરે તેને શું સમજવું ? પંચમહાલ જિલ્લામાં કેટલા તાલુકા સમાવિષ્ટ છે. તેની માહિતીને જ્ઞાન જો જિલ્લા પંચાયતને ના હોય તો પછી એ જિલ્લાની વહીવટ કેવી કરાતો હશે? તેવા સવાલો ઉઠયા છે.

આ ડાયરી છપાઇ ત્યારે તેનું પ્રુફ રિડિંગ પણ થયું હશે, તો તે સમયે શું ધ્યાન રાખ્યું ? જિલ્લા પંચાયતમાં જવાબદારીપૂર્વક કામગીરી થતી નથી તેનું આ ડાયરી સ્પષ્ટ ઉદાહરણ છે.

Read More

લુણાવાડામાં કોંગ્રેસી કાર્યકરોની ધરપકડ ,લુણાવાડા ,તા. ૬,

                                                                                                                                 લુણાવાડા ,તા. ૬

લુણાવાડા- કોંગ્રેસ તરફથી આપવામાં આવેલા ગુજરાત બંધ અંગે મહીસાગર જિલ્લાના વડામથક લુણાવાડા ખાતે તા. ૬ઠ્ઠીના રોજ સવારના સમયે કોંગ્રેસી કાર્યકરો એક જૂથમાં નીકળતા પોલીસ તંત્રએ કાર્યકરોની ધરપકડ કરી હતી. જેને પગલે બંધના એલાનનો ફીયાસ્કો થયો હતો. આજરોજ સવારના સમયે લુણાવાડા નગરમાં કોંગ્રેસી કાર્યકર અને ધારાસભ્ય હીરાભાઈ પટેલ તેમજ ભરતભાઈ પટેલ- માજી જિલ્લા પંચાયત સભ્ય જિલ્લા કોંગ્રેસ પ્રમુખ પી. એમ. પટેલ સહિત તમામ કોંગ્રેસી કાર્યકરોએ એક જૂથમાં એકઠા થઈ લુણાવાડા ચોકડી પાસે બંધના એલાનને સફળ બનાવવા દુકાનો, સ્કૂલો બંધ કરાવવા પ્રયાસો કર્યા હતા. ચોકડી પાસે બંધ કરાવવા નીકળેલા કોંગ્રેસ કાર્યકરોની પોલીસ તંત્ર દ્વારા ધરપકડ કરાઈ હતી.લુણાવાડામાં શાંતિમય રીતે સંપૂર્ણ દિવસ દરમિયાન દુકાનો, સ્કૂલો, બેંકો, પેટ્રોલ પંપ તેમજ વિવિધ સરકારી અને અર્ધ સરકારી કચેરીઓ પણ કાર્યરત રહી હતી અને નગરમાં કોઈપણ અનિચ્છનીય બનાવ ન બનતા નગરજનોએ હાશકારો અનુભવ્યો હતો.જયારે બીજી બાજુ મહીસાગર જિલ્લાના લુણાવાડા મથકમાં આવેલા મલેકપુર ગામમાં પણ કોંગ્રેસી કાર્યકરો બંધ કરાવવા નીકળ્યા હતા. પરંતુ પોલીસ તંત્રએ તેમની પણ ધરપકડ કરીને દુકાનો અને ધંધા રોજગારો ચાલુ રખાવ્યા હતા.

Read More

સંતરામપુરમાં મુખ્યમંત્રીનું પૂતળા દહન કરાયુ, સંતરામપુર, તા. ૬

                                                                                                                             સંતરામપુર,  તા. ૬                          સંતરામપુર      કોંગ્રેસના ગુજરાત બંધ અંતર્ગત સંતરામપુરમાં બંધને મિશ્ર પ્રતિસાદ સાંપડયો હતો. પોલીસે કોંગ્રેસી ધારાસભ્ય સહિત કાર્યકરોને ડીટેઈન કર્યા હતા. ત્યારે બીજી તરફ મુખ્યમંત્રીનૂ પૂતળા દહન પણ સફળતાપૂર્વક પાર પાડવામાં આવ્યુ હોવાનું જાણવા મળ્યું છે. ગુજરાત પ્રદેશ કોંગ્રેસ દ્વારા આજે ગુજરાત બંધના કાર્યક્રમમાં સવારે ૧૦ કલાકે એલઆઈસી પાસેથી સંતરામપુર કોંગી ધારાસભ્ય જી. એમ. ડામોરની આગેવાની હેઠળ ૫૦- ૬૦ કાર્યકરો બેનરો પત્રિકા વહેંચી વેપાર ધંધા બંધ રાખી બંધના કાર્યક્રમમાં લોકોને જોડી રહ્યા હતા. ત્યારે ગોધરા ભાગોળ ચાર રસ્તા પાસે પોલીસના વિશાળ કાફલાએ ધારાસભ્ય જી. એમ. ડામોર, સહિત ૫૦ કાર્યકરોને ડીટેઈન કર્યા હતા.કોંગી કાર્યકરોએ પોલીસ દ્વારા ડીટેઈન કરાતા ભારે સુત્રોચ્ચાર કરી મુખ્યમંત્રી મોદીના રાજીનામાની માંગ કરી હતી. બીજી તરફ અન્ય કોંગી કાર્યકરોએ રિલાયન્સ પંપ સર્કલ પાસે મુખ્યમંત્રી મોદીના પૂતળાનું દહન કર્યું હતું.

Read More

પંચમહાલ- મહીસાગર જિલ્લામાં 'બંધ' નિષ્ફળ Sep 07, 2013

તા. ૬

પંચમહાલ- મહીસાગર જિલ્લાના શહેરી વિસ્તારોમાં કોંગ્રેસ દ્વારા અપાયેલા ગુજરાત બંધના એલાનને સફળ બનાવવા ધારાસભ્યો અને કાર્યકરોએ કમર કસી સવારથી દુકાનો, શાળાઓ બંધ કરાવવાના પ્રયાસો કર્યા હતા. પરંતુ પોલીસ દ્વારા સતત બંદોબસ્ત જારી રાખી આ પ્રયાસો નાકામીયાબ બનાવાયા હતા અને ગોધરા, સંતરામપુર અને લુણાવાડાના ત્રણ ધારાસભ્યો સહિત કોંગ્રેસી કાર્યકરો મળી ૧૨૦ ઉપરાંતને ડીટેઈન કરવામાં આવ્યા હતા. જેને લઈ જનજીવન યથાવત રોજીંદા ક્રમ મુજબ ધબકતુ રહેવા સાથે ગુજરાત બંધના એલાનને નહીંવત સફળતા પણ પ્રાપ્ત થઈ નહોતી.

દુકાનો- શાળાઓ બંધ કરાવવા કોંગ્રેસી ધારાસભ્યો- કાર્યકરોના પ્રયાસો પોલીસે નિષ્ફળ બનાવ્યા

1. કોંગ્રેસ દ્વારા ગુજરાત સરકાર સામે ભ્રષ્ટાચાર, ડી જી વણઝારાનો સ્ફોટક પત્ર જેવા વિવિધ મુદ્દે શુક્રવારે ગુજરાત બંધનું એલાન આપવામાં આવ્યુ હતું. કોંગ્રેસનું એલાન વર્તમાન સરકાર માટે પ્રતિષ્ઠાના જંગ સમુ સાબિત થયું હતું. કોંગ્રેસ દ્વારા બંધના એલાનને સફળ બનાવવા તથા આગામી દિવસોમાં જિલ્લા કક્ષાની બેઠક યોજવા સાથે પૂતળા દહનનો કાર્યક્રમ પણ યોજાયો હતો. આ સાથે જ શુક્રવારે સવારથી ગુજરાત બંધના એલાનને સફળ બનાવવાના ભાગરૂપે ગોધરા સહિત તમામ શહેરોમાં હોદ્દેદારો અને કાર્યકરો દ્વારા દુકાનો- શાળાઓ બંધ કરી બંધના સમર્થન અંગેના પ્રયાસો કરવામાં આવ્યા હતા. બીજી તરફ પોલીસ દ્વારા પણ શહેરમાં ચુસ્ત બંદોબસ્ત અને પેટ્રોલીંગ જારી રાખી કોંગ્રેસ કાર્યકરોને ડીટેઈન કરી દુકાનો બંધ કરાવવાના પ્રયાસોને અટકાવાયા હતા. પંચમહાલ જિલ્લા કોંગ્રેસ સમિતિ પ્રમુખ અને ગોધરા ધારાસભ્ય સી. કે. રાઉલજી, લુણાવાડા ધારાસભ્ય હીરાભાઈ પટેલ, તેમજ સંતરામપુર ધારાસભ્ય જી. એમ. ડામોર અને તમામ શહેરોમાંથી પદાધિકારી તેમજ કાર્યકરો મળી પોલીસે ૧૨૦ કોંગ્રેસી કાર્યકરોને ડીટેઈન કરવામાં આવ્યા હતા.

કોંગ્રેસ દ્વારા ગુજરાત બંધના એલાનને પંચમહાલ- મહીસાગર જિલ્લામાં નહીંવત કહી શકાય એટલી પણ સફળતા સાંપડી નહોતી. માત્ર ઘોઘંબામાં કેટલાક વેપારીઓ દ્વારા સ્વયં જ પોતાના ધંધા રોજગાર બંધ રાખ્યા હોવાનું જાણવા મળ્યુ હતું. જો કે આ બાબતને સત્તાવાર સમર્થન મળી શકયુ નહોતૂં. પંચમહાલ- મહીસાગર જિલ્લામાં ધંધા રોજગાર અને એસટી બસ શાળા, કોલેજો તમામ રાબેતા મુજબ કાર્યરત રહ્યુ હતું. કોંગ્રેસ દ્વારા અપાયેલા બંધના એલાનને સફળ બનાવવા કાર્યકરો અને પદાધિકારીઓએ કમર કસી પ્રયાસો આદર્યા હતા. બીજી તરફ વર્તમાન સરકાર અને ભાજપાના પ્રતિષ્ઠાના જંગ રૂપી પડકારને પહોંચી વળવા પોલીસ અને ઉચ્ચ અધિકારીઓ દ્વારા પ્રયાસો કરવામાં આવ્યા હતા. જેનું પરિણામ સત્તારૂઢ સરકારને તમામ વહેવારો રાબેતા મુજબ ચાલુ રહેતા સાંપડયુ હતું.

 

Read More

સંતરામપુરના પાદેડી ગામે કુવામાંથી ૧૦૦ કિલો વજનનો મગર બહાર કઢાયો 30 aug

સંતરામપુર, તા. ૩૦

સંતરામપુરના પાદેડી ગામના રહીશ શંકરભાઈ લાલાભાઈ ડામોર પોતાના કુવા પાસે જતાં કુવાની અંદર એક મગર જોતા તેઓએ જંગલ ખાતાના અધિકારીને જાણ કરી હતી. જેથી તેઓનાકર્મચારીઓએ કુવામાંથી ૬ ફુટ લાંબો અને ૧૦૦ કિલો વજનનો મગર બહાર કાઢયો હતો. ત્યારબાદ આ મગરને મહીસાગર નદીમાં છોડી મુકવામાં આવ્યો હતો.

Read More

અમે તો લુણાવાડાને જિલ્લાનું મુખ્ય મથક આપ્યું : નરેન્દ્ર મોદી

1. 
   
2. 
3.  લુણાવાડા, તા. ૩૦
4. નવરચિત મહિસાગર જિલ્લાના શુભારંભ સમારોહમાં ઉપસ્થિત ગુજરાતના મુખ્યમંત્રી નરેન્દ્ર મોદીએ દિલ્હી સરકાર પર માર્મીક ચાબખા વિંઝવા સાથે ઉપસ્થિત જનમેદનીને આડકતરી ટકોર કરતા જણાવ્યું કે તમે ભલે અમને કાંઇ આપ્યું કે ના આપ્યું પણ અમે તો લુણાવાડાને જિલ્લાનું મુખ્ય મથક આપ્યું છે. અમે તો રાજકીય સંસ્કૃતિને વરેલા લોકો છીએ. એમ જણાવતા ગત વિધાનસભા ચૂંટણી ટાંણે ભાજપાના ઉમેદવારોના થયેલા પરાજયની શાબ્દિક ટકોરથી ઉપસ્થિત જનમેદનીને ઝાંખી કરાવી હતી. મુખ્યંત્રીએ લુણાવાડા સહિત મહિસાગર તાલુકાના રહીશોની તમામ સ્થિતિનો તાગ આપી વિકાસની નવી કેડી કંડારી રાજ્યના અન્ય જિલ્લાઓની હરોળમાં મક્કમતાભર્યું ડગ માંડવાનું આહવાન કરી પોતાની સરકારના સહકારની ખાત્રી આપી હતી.

1. નવરચિત મહીસાગર જિલ્લાના શુભારંભ પ્રસંગે દિલ્હી સરકાર પર માર્મીક ચાબખા વિંઝવા સાથે ઉપસ્થિત જનમેદનીને મુખ્યમંત્રીની આડકતરી ટકોર
2. પંચમહાલ ખેડા જિલ્લામાથી તાલુકાઓનો સમન્વય કરી નવરચિત જાહેર કરાયેલા મહિસાગર જિલ્લાનો શુભારંભ ગુજરાતના મુખ્યમંત્રી નરેન્દ્ર મોદીએ લેસર ટોર્ચથી લુણાવાડા ઇન્દિરા મેદાન ખાતે યોજાયેલા સમારોહમાં કર્યો હતો. દરમિયાન મુખ્યમંત્રીએ પોતાના પ્રાસંગિક ઉદ્બબોધનમાં મહિસાગર જિલ્લાના નિર્માણ પછી પ્રથમવાર નાગરિકોના દર્શનનું સૌભાગ્ય પ્રાપ્ત થયું છે. એમ જણાવતા લુણાવાડા સાથેના પોતાના ભૂતકાળને વાગોળતા વર્ષો પૂર્વે લુણાવાડા કોલેજના કાર્યક્રમમાં મુખ્ય અતિથિ તરીકે બોલાવ્યા હતા. લુણાવાડા સાથે જાહેર જીવનના પ્રારંભિક કાળથી સૌએ પ્રેમ આપ્યો છે. જેથી મહિસાગર જિલ્લાની રચનાને મને આપ સૌના કરતા સો ઘણો આનંદ મને છે જેનું અન્ન જળ ખાધું હોય એના વિકાસથી ગજગજ છાતી ફુલે એ પળ આજે મારા માટે છે. મહિસાગર જિલ્લાની પ્રજા હારમની વાળી છે. જેથી મુશ્કેલીઓમાંથી નીકળવાની સૌની હિંમત એક સમાન હોય છે જેથી વિકાસની મુખ્ય ધારામાં કેવી રીતે લાવી શકાય એ મહીસાગર જિલ્લાવાસીઓ કરી બતાવશે. મુખ્યમંત્રીએ ભૂતકાળમાં વિચિત્ર રાજકીય વિકૃતિનો વિસ્તાર થયો ચૂંટણીમાં મત માંગવા વચનો આપ્યા પછી હારી ગયા હોય કે સરકાર અલગ પક્ષની હોય તો પણ આખી સરકાર ઝેર રાખે. અમે તો રાજકીય સંસ્કૃતિને વરેલા લોકો છીએ. કદાચ પ્રજાના પ્રેમમાં ખોટ રહી ગઇ હોય એમાં રાજકીય આટાપાટા ના કરવાના હોય અમે તો આત્મમંથન કરનારા છીએ વધુ મહેનત કરી પ્રેમ જીતવાવાળા છીએ. ભલે તમે ધારાસભ્ય ના આપ્યો પણ તમારો હક્ક એવો જ છે. એવી માર્મીક ટકોર થકી વિધાનસભા ચૂંટણી ટાંણે ભાજપાના ઉમેદવારોના થયેલા પરાજય સંદર્ભે ઉપસ્થિતોને ચાબખો વિંઝયો હતો. તેઓએ ઊમેર્યુ કે દિલ્હી સરકાર મને રોજ હેરાન કરે છે. ગુજરાતને પીંખી નાખે છે. યોજનાઓ ખાડે નાંખે છે. પરમાત્મા મને આવું પાપ ન કરાવે એમ જણાવતા મહિસાગર જિલ્લાવાસીઓ રમતગમતના સ્વભાવ વાળા છે. જેઓ આગામી દિવસોમાં આવનારા ખેલ મહાકુંભમાં ગુજરાતમાં પ્રથમ આવે એવું પરાક્રમ કરી બતાવે. પરસેવાનું પરાક્રમ નવસર્જનનું નિમીત્ત બને છે. પ્રજાકીય પરાક્રમ વિના વિકાસ અસંભવ છે.
3. પ્રજાકીય પરાક્રમ એ પ્રગતિની ઔષધી છે જેના કારણે ગુજરાત પ્રગતિ કરે છે. આધુનિક ખેતપેદાશની જાણકારી માટે ઇઝરાયેલમાં થતા કૃષિ મેળાનું આયોજન ભલે દિલ્હી સરકાર ના કરે ગુજરાત સરકારે આગામી ૯ સપ્ટેમ્બરે કર્યં છે. જેનો તમામ ખેડૂતો લાભ લેવા આવે એવી લાગણી વ્યક્ત કરી હતી.આ સમારોહમાં મંત્રીઓમાં ભૂપેન્દ્રસિંહ ચૂડાસમા, રમણલાલ વોરા, નીતિન પટેલ સહિત ખેડા, મહીસાગર અને પંચમહાલના કલેક્ટરો તથા લુણાવાડા અને બાલાસિનોરના રાજવી પરિવારના સભ્યો તથા ધારાસભ્યો પંકજ પટેલ, જેઠા ભરવાડ, અરવિંદસિંહ રાઠોડ, નિમિષાબેન સુથાર,દેવુંસિંહ ચૌહાણ હાજર રહ્યા હતા.જીલ્લાના સાંસદ પ્રભાતસિંહ ચૌહાણ, માજી સાંસદ ભૂપેન્દ્રસિંહ સોલંકી હાજર રહ્યા હતા.ે 
4. સમારોહમાં સ્થાનિક ધારાસભ્યોની અનુપસ્થિતિ
5. ગોધરા : નવરચિત મહીસાગર જિલ્લાના શુભારંભ સમારોહમાં ઉત્સાહિત જનમેદનીના ટોળે ટોળા ઉમટયા હતા. પરંતુ સ્થાનિક ધારાસભ્ય પ્રજાજનોની આ ખુશીઓના સહભાગી નહીં બન્યા હોવાનું તેમની અનુપ સ્થિતિ ઉપરથી જણાઇ રહ્યું હતું. મુખ્યમંત્રીની ઉપસ્થિતિમાં કાર્યક્રમ યોજાયો હોવાથી કદાચ કોંગ્રેસના ધારાસભ્ય હાજર નહીં રહ્યા હોય પરંતુ અત્રે ઉલ્લેખનીય છે કે, પંચમહાલ - દાહોદની આર્િથક કરોડરજ્જુ સમી પીડીસી બેન્ક પુનઃ કાર્યાન્વિત ટાંણે ભાજપા રચિત કાર્યક્રમ ટાંણે પણ કોંગ્રેસ આગેવાનોની સુચક ઉપસ્થિતિ જોવાઇ હતી. જે વિકાસ પ્રતિતીનો એક ભાગ હતી. 
6. ચૂંટણી ટાણે આપેલું વચન ઠાલું નથી એવું મુખ્યમંત્રીએ સાબિત કરી બતાવ્યું
7. ગોધરા : મહિસાગર જિલ્લાની ઘોષણા બાદ મુખ્યમંત્રીએ વાસ્તવિક પરિણામ થકી પ્રજામાં ચૂંટણી ટાણે આપેલું વચન ઠાલુ નથી એવું સાબિત કરી બતાવ્યું છે. પરંતુ દીર્ઘદૃષ્ટા મુખ્યમંત્રીએ ખેડા અને પંચમહાલ જિલ્લાના તાલુકાઓનો સમાવિષ્ટ કરી જાહેર કરેલા મહિસાગર જિલ્લામાં સમાવિષ્ટ ત્રણેય વિધાનસભા બેઠકો કોંગ્રેસના વિજેતા ઉમેદવારવાળી છે. જે બાબતને ખાસ ધ્યાનમાં રાખી પોતાની આગવી રાજનીતી બુધ્ધિનો ઉપયોગ કરી પોતાની નીશાન પાર પાડી લીધું છે. નવરચિત મહિસાગર જિલ્લાના શુભારંભ સમારોહ ટાણે મુખ્યમંત્રી દ્વારા વિકાસલક્ષી વિશિષ્ટ જાહેરાત કરશે એવી અટકળોનો આજે અંત આવ્યો હતો.

Read More